पंढरपूर पत्रकार संघाच्या वतीने कुष्ठरुग्ण वसाहतीमध्ये दिवाळीनिमित्त फराळाचे वाटप

महाराष्ट्र लाईव्ह वृत्त

            पंढरपूर मराठी पत्रकार संघाच्या वतीने नुकताच येथील कुष्ठरुग्ण वसाहतीमधील रहिवाशांना दिवाळीच्या फराळाचे वाटप करण्यात आले. येथील विश्रामगृहामध्ये दिवाळी निमित्त पत्रकारांचा स्नेहमेळावा पार पडला. यावेळी सर्व पत्रकारांनी एकमेकांना दिवाळीच्या शुभेच्छा दिल्या. या स्नेहमेळाव्यातच पत्रकार संघाच्या पदाधिकार्‍यांनी ‘दिवा तेथेच लावु... जिथे अंधार आहे’ या उक्तीनुसार आपली एक सामाजिक बांधिलकी जपत दिवाळीच्या निमित्ताने येथील कुष्ठरुण वसाहतीमध्ये दिवाळीच्या फराळाचे वाटप करण्याचा निर्णय घेतला. त्यानुसार गोपाळपूर रोडवरील कुष्ठरुग्ण वसाहतीमध्ये फराळाचे वाटप करण्यात आले.

                    यावेळी पत्रकार संघाचे अध्यक्ष हरिभाऊ प्रक्षाळे, माजी अध्यक्ष अभिराज उबाळे, दै. एकमतचे पंढरपूर विभागीय संपादक महालिंग दुधाळे, पंढरपूर लाईव्ह व महाराष्ट्र लाईव्ह न्युज चे मुख्य संपादक भगवान वानखेडे, दै.ललकार चे प्रतिनिधी  विकास पवार, दै. सकाळ चे प्रतिनिधी शरद कारटकर, पंढरी वार्ताचे संपादक राजकुमार शहापूरकर, जोशाबा टाईम्स् चे संपादक श्रीकांत कसबे,  दै. पंढरी भुषण चे प्रतिनिधी दै. लोकमतचे प्रतिनिधी प्रविण नागणे, दै. तरुण भारत (सांगली) चे प्रतिनिधी संकेत कुलकर्णी, दै. अग्रदुत चे प्रतिनिधी राजेंद्र कोरके, दै. जनप्रवास चे प्रतिनिधी महेश कदम, हंबरडा चे संपादक रविंद्र कोळी आदी उपस्थित होते.